Bu gün Rusiya tərəfdən hücuma məruz qalan Türkiyəyə məxsus “Royad Məmmədov” gəmisinin “Palmali” şirkətinə məxsus olduğu bildirilir.
Obyektivtv.az Bakıvaxtı.aza istinadən xəbər verir ki, şirkət 2022-ci ildə gəmilərindən birinə II Qarabağ müharibəsinin şəhidi Röyad Məmmədovun adını verib.
Röyad Məmmədov Masallı rayonunun Mahmudavar kəndində anadan olub. 2020-ci il noyabrın 8-də şəhid olub.
Qara dənizdə Rumıniyanın ərazi sularından kənarda üzən gəmidə yanğın baş verib.
Bakıvaxtı.az-ın xəbərinə görə, Rumıniya xilasediciləri 11 nəfəri xilas etsə də, iki nəfər həyatını itirib.
Hadisənin səbəbləri ilə bağlı hələlik məlumat yoxdur.
İddiaya görə, gəmi Türkiyəyə məxsus olub və taxıl yükü daşıyıb.
