Türkiyə-Bolqarıstan sərhədində meşə yanğını baş verib.
“Qafqazinfo” Türkiyə KİV-ə istinadən xəbər verir ki, yanğının Ədirnə şəhərinin Hatip və Suakacak kəndləri arasında sərhəd xəttindəki meşəlik ərazidə naməlum səbəbdən baş verdiyi bildirilir.
Yanğın sərhədin o biri tərəfinə də keçib.
Hazırda meşə yanğınına müdaxilə edilir. Yanğınsöndürmə işlərinə Kırklareli Meşə Əməliyyat Müdirliyi və Ədirnə Bələdiyyəsi Yanğınsöndürmə briqadası qruplarının da dəstəyi ilə 2 dozer və bir helikopter cəlb olunub.