yazılmasının bir göstəricisi olduğunu bildirən Rəcəb Tayyib Ərdoğan belə mühüm bir layihədə türk şirkətlərinin də yer almasını bir iftixar mənbəyi kimi dəyərləndirdi”.
Malik Həsənov mətbuata birgə bəyanatda Azərbaycan-Türkiyə dostluğunun, müttəfiqliyinin təsdiqi olan Şuşa Bəyanaməsinə də xüsusi diqqət yönəldildiyini bildirib: “Türkiyə-Azərbaycan birliyi bölgədə çox önəmli bir amildir. Bu birlik Şuşa Bəyannaməsi ilə əsl müttəfiqlik səviyyəsinə yüksəldi. Prezident İlham Əliyevin də qeyd etdiyi kimi, Şuşa Bəyannaməsi hər iki ölkənin xalqlarına gözaydınlığı, eyni zamanda, bütün dünyaya ciddi mesajdır. Bu gün ölkəmizin hər bir guşəsində yanaşı dalğalanan Azərbaycan və Türkiyə bayraqları ölkələrimizin, xalqlarımızn birliyinin ən bariz nümayişidir. Bu, ürəkdən gələn duyğular, əcdadlarımızdan qalan miras, onların vəsiyyəti və zəmanəmizin tələbidir”.