Vətən Müharibəsi Qəhrəmanı, general-mayor Zaur Cavanşir 44 günlük Vətən Müharibəsində keçdiyi döyüş yolu ilə bağlı xatirələrini Bizim.Media ilə bölüşüb.
Generalın “44 günlük zəfər yolu: Generalın döyüş qeydləri” sərlövhəli xatirələr silsiləsindən üçüncü hissəsini təqdim edirik:
MÜƏLLİF QEYDİ: Çox təəssüf hissi ilə bildirirəm ki, şanlı Vətən müharibəsi barədə yazdığım yazılardan bəzilərini ümumi kontekstdən çıxararaq, ordumuzun ləyaqətli generallarına qarşı hücum vasitəsinə çevirməyə çalışan insanlar var. Xüsusilə də birinci hissədə yazılmış “Mayis Bərxudarov Nəcməddinə deyə bilmədi” başlıqlı yazını bəzi şəxslər təhrif edərək, guya kimin isə Nəcməddin Sadıkovdan qorxduğunu və onunla eyni əməllərə yol verdiyini iddia edirlər.