Türkiyənin Ərzurum şəhərində hərbçiləri və müəllimləri daşıyan xidməti maşınların toqquşması nəticəsində ağır yol-nəqliyyat hadisəsi baş verib.
“Qafqazinfo” Türkiyə KİV-ə istinadən xəbər verir ki, qəzada mikroavtobuslarda olan 6 hərbçi və 4 müəllim yaralanıb.
Hadisə yerinə çox sayda sağlamlıq və polis qrupları gəlib.
Şəhərdəki xəstəxanalara aparılan yaralıların vəziyyətlərinin yaxşı olduğu bildirilib.
Məlum olub ki, xidməti maşındakı müəllimlər təhsil seminarı üçün Türkiyənin müxtəlif şəhərlərindən Ərzuruma gəliblər.