Obyekyivtv.az:İŞİD İranın Kirman şəhərində baş verən 2 partlayışa görə məsuliyyəti üzərinə götürdüyünü açıqlayıb.
Milli.Az axar.az-a istinadən bildirir ki, bu barədə “Terror Alarm” X hesabı məlumat yayıb.
İranın “Həmşəhri” qəzeti partlayışlardan birinin kamikadze tərəfindən törədildiyini, ikinci partlayış barədə araşdırmaların davam etdiyini yazıb.
İranın Kirman şəhərində partlayıcı qurğular terrorçu-kamikadzelər tərəfindən işə salınıb.
Məlumata görə, hadisə yerinin və videogörüntülərin ətraflı tədqiqindən sonra partlayışın kamikadze tərəfindən törədildiyi aydınlaşır.
Qeyd edək ki, yanvarın 3-də ölkənin Kirman şəhərində general Qasım Süleymaninin 4-cü ildönümü mərasimində iki partlayış baş verib, nəticədə 95 nəfər ölüb, 211 nəfər yaralanıb.
