Azərbaycan Respublikası Prezidentinin imzaladığı Fərmana əsasən, əməkdar və xalq fəxri adlarına görə aylıq təqaüdlərin məbləği artırılıb.
Yeni qərara əsasən, xalq yazıçısı, xalq şairi, xalq artisti və xalq rəssamı fəxri adlarını daşıyan şəxslər bundan sonra 300 manat aylıq təqaüd alacaqlar. Əvvəllər bu məbləğ 200 manat idi.
Digər fəxri ad sahibləri – əməkdar elm xadimi, əməkdar incəsənət xadimi, əməkdar artist, əməkdar müəllim, əməkdar həkim, əməkdar mühəndis, əməkdar memar, əməkdar dövlət qulluqçusu və s. üzrə təqaüdlər isə 150 manatdan 200 manata qaldırılıb.
Fərman 1 iyul 2025-ci ildən qüvvəyə minib.
